Արգենտինայի նախագահը, ով պատվաստվել էր ռուսական Sputnik V-ով, վարակվել է կորոնավիրուսով

Արգենտինայի նախագահ Ալբերտո Ֆերնանդեսը վարակվել է կորոնավիրուսով: Հայտնի է, որ նա երկու ամիս առաջ պատվաստվել էր ռուսական Sputnik V պատվաստանյութով։ Նա իր թվիթերյան գրառման մեջ հայտնել է, որ իր ինքնազգացողությունը վատացել է, գլխացավ է սկսվել, և թեստի արդյունքում՝ նրա մոտ հայտնաբերվել է covid19֊ը։ Ավելի ուշ նա հայտնել է, ինքն արդեն ինքնամեկուսացել է և հետևում է բժշկի ցուցումներին։ Բժիշկները նշում են, որ Արգենտինայի 62-ամյա նախագահը վիրուսը «ասիմպտոմատիկ է հաղթահարում»: