Ադրբեջանցիները Շուշիից ներխուժել են Ստեփանակերտ տանող մայրուղի և պղծել հուշարձանի մոտ գտնվող ցուցանակը

Ադրբեջանցի դիվերսանտները Շուշիից ներխուժել են Ստեփանակերտ, պղծել ցուցանակները՝ դրանց վրա գրառումներ անելով, ու հեռացել։ Այս մասին հայտնում են Ստեփանակերտի Wargonzo նախագծի աղբյուրները: «Մեր տեղեկություններով՝ ադրբեջանցի չորս զինվորներ շրջանցել են խաղաղապահների անցակետը Շուշիի մերձակայքում և տանկով մտել Արցախի մայրաքաղաք տանող մայրուղի: Այնտեղ «դիվերսանտները» մակագրություններ են արել հուշարձանների մոտ գտնվող ցուցանակների վրա ու անհետացել: Wargonzo-ի աղբյուրները Ռուսաստանի Դաշնության Պաշտպանության նախարարությունում դա հաստատեցին։

Դեպքի վերաբերյալ զեկուցվել է Ռուսաստանի Դաշնության ՊՆ սպաներին, և մոտ ժամանակներս նրանք կգնահատեն գործողությունները, որոնք հակասում են եռակողմ համաձայնագրին»,- ասվում է ալիքի տարածած հաղորդագրության մեջ:

«Ադրբեջանը հետեևողականորեն խախտում է համաձայնագրի կետերը՝ ներառյալ ապառազմականացված գոտում գտնվող տարածքում առանձին կայաններ ստեղծելը: Իհարկե, վտանգավոր է սրա վրա աչք փակել: Հաջորդ անգամ «դիվերսանտները» կարող են ճանապարհի եզրին դնել, օրինակ, պայթուցիկ սարք, և ոչ թե պարզապես գրություններ անել թիթեղյա ցուցանակների վրա: Այդ դեպքում «դիվերսանտ» բառի չակերտները արդեն ավելորդ կլինեն»,- գրում է Wargonzo֊ն: