Պարո՛ն դատախազ, դուք Շերլոք Հոլմսը չեք

«Բարգավաճ Հայաստան» խմբակցության պատգամավոր Նաիրա Զոհրաբյանն իր ֆեյսբուքյան էջում գրել է. 

 

«Արցախը հանձնված է թուրքին, Շուշին թուրքին հանձնելու հետ կապված բազմաթիվ հարցեր կան, երբեւէ զենք չբռնած նորակոչիկներին բայրաքթարների տակ տանելու հրաման տվողների հետ կապված բազմաթիվ հարցեր կան, գերեվարված մեր տղաներին շրջափակման մեջ լքելու հետ կապված լիքը հարցեր կան, Արցախի պաշտպանական բունկերը «օբշի դվոր» սարքելու հետ կապված անվտանգային լրջագույն հարցեր կան, Սյունիքի գյուղերից մետր առ մետր թուրքին տալու հետ կապված հարցեր կան ու արդեն հարյուրավոր քրեական գործեր պիտի հարուցված լինեին եւ պատերազմից յոթ ամիս անց մենք առնվազն մի շարք հարցերի պատասխաններ պիտի կարողանայինք տալ հանրությանը, սակայն ՀՀ գլխավոր դատախազը ԱԺ ամբիոնից հայտարարում է, թե ԲՀԿ նախագահի գործը երկար է քննվելու, որովհետև խոսքը վերաբերում է հազարավոր անձանց ներգրավմամբ մեծ ծավալներ ստացած հանցավոր դրսևորումների։

Էս դուք լո՞ւրջ եք ասում պարոն դատախազ։

 

Թե՞ ընտրություններին ընդառաջ նավսյակի մի հատ զոնդաժ անելու հրահանգ եք ստացել վերին գերագույնից։

 

Ի՞նչ հանցագործություն, այն էլ՝ հազարավոր անձանց ներգրավմամբ։

Որ էդ «հազարավոր ներգրավված» անձանցից ձեր մի քանի հարյուր քննիչները, որոնց երկրի անվտանգությանն առնչվող լրջագույն գործերի քննությունից կտրել դրել եք Ծառուկյանի գործի վրա, մինչ այս պահը ձեր ուզած մի նախադասությունը պոկած լինեին՝ հիմա ԱԱԾ-ն Լեւիտանի ձայնով մի ահասարսուռ ռեպորտաժ էր սարքել դարի հանցագործության մասին։

 

Չէ, ես չեմ բացառում, որ դուք որպես ոլորտի պրոֆեսիոնալ, մանրամասն տեղյակ եք Կապրիվիի գործին (Caprivi treason trial), երբ Նամիբիայի կառավարությունը 2002 թվականին մեծ քրեական գործ սկսեց մի խումբ անձանց դեմ եւ այդ գործի որոշ դրվագներով քննությունը մինչ օրս չի ավարտվել ու ուզում եք էդ ռեկորդն անցնել։ Կամ՝ ուզում եք «խփել» Ավստրալիայում Լանցենկիրխենի ջրամբարի գործի քննության ռեկորդը, որը տեւել է 30 տարի։

 

Չգիտեմ Ծառուկյանի դեմ թխված սյուրռեալիստական էս գործից ի՞նչ կստանաք, բայց որ Գինեսի ռեկորդների գրքում հայտնվելու շանս կա՝ դա փաստ է։

 

Հա, մեկ էլ ձեր խոսնակին ասեք ինձ չպատասխանի։

Հեչ հետաքրքիր չի»։