Լիանա Գյուրջյանը՝ աշխարհի երիտասարդական չեմպիոն

Հայաստանի ներկայացուցիչ Լիանա Գյուրջյանը (81 կգ) նվաճեց Ուզբեկստանի մայրաքաղաք Տաշքենդում ընթացող ծանրամարտի աշխարհի երիտասարդական առաջնության չեմպիոնի կոչումը:

Երկամարտում հայ մարզուհին գրանցեց 223 կգ (98+125) և մեկ կգ գերազանցեց երկրորդ տեղը գրաված թուրք Դիլարա Ուչանին: Բրոնզե մեդալակիր դարձավ Էկվադորի ներկայացուցիչ Քուինոնեզ Խիմենեսը՝ 218 կգ:

Դա Հայաստանի երկրորդ մեդալն էր երիտասարդական ԱԱ-ում: Ավելի վաղ 2018թ. պատանեկան Oլիմպիական խաղերի չեմպիոն Կարեն Մարգարյանը (81 կգ) երկամարտի 327 կգ (152+175) արդյունքով դարձել էր արծաթե մեդալակիր: