Մենք կվերականգնենք մեր կորցված դիրքերը միջազգային կառույցներում. Ռոբերտ Քոչարյան

Մենք կդադարեցնենք միջազգային ասպարեզում այսօր կիրառվող էժանագին շուստրիության քաղաքականությունը։ Այս մասին ասաց ՀՀ երկրորդ նախագահ Ռոբերտ Քոչարյանը։

«Միայն հիմարները կարող են զբաղվել դրանով ժամանակակից թվային աշխարհում։ Մենք կվերականգնենք վստահությունը երկրի հանդեպ որպես կանխատեսելի և հասկանալի գործընկերոջ։ Երկկողմանի մակարդակով կառաջարկենք մեր բարեկամներին համագործակցության նոր և հասկանալի օրակարգ։ Պատերազմում պարտությունը չպետք է սահմանափակի մեզ պարվածի բարդույթով։ Հավատացնում եմ` մոտակա տարիների համար սա լինելու է ամենից դժվար հաղթահարվող խնդիրներից մեկը։

Պարտությունը ծանր հարված է, և մենք պետք է օգնենք մեր ժողովրդին, երկրին հաղթահարել այն բարդույթը, որն անխուսափելի առաջանում է այսպիսի պարտություններից հետ։ Մենք ունենք արագ վերականգնման ներուժ և կանենք ամեն ինչ, որ դա հետաքրքիր և կենսական կարևոր հարց դառնա նաև մեր դաշնակիցների ու առաջին հերթին Ռուսաստանի համար։ Չափազանց կարևոր է ձևավորել նոր օրակարգ։ Մենք չենք կարող նոր գաղափարներ առաջ չբերել, չենք կարող մտածել, թե անցած պաշարի վրա կարող է ամեն ինչ շարունակվել նույն ոճի, նույն ծավալի միջև։ Մենք ի վիճակի ենք մեր բարեկամների, դաշնակիցների հետ ապահովել և պաշտպանել ՀՀ շահերը։ Մենք կվերականգնենք մեր կորցված դիրքերը միջազգային կառույցներում և անվտանգության հարցերով զբաղվող կազմակերպություններում»,-ասաց Ռոբերտ Քոչարյանը։