Իսրայելի պաշտպանության բանակի շտաբի պետը խոստացել է շարունակել ռազմական գործողությունները Իրանի դեմ
Աշխարհ
Իսրայելի պաշտպանության ուժերի շտաբի պետ Ավիվ Կոհավին խոստացել է շարունակել ռազմական գործողությունները Իրանի ռազմական ներուժին՝ այդ թվում միջուկային ծրագրին հակազդելու համար, գրել է Times of Israel-ը:
«Իրանի ներուժի ոչնչացմանն ուղղված գործողությունները կշարունակվեն ցանկացած ասպարեզում եւ ցանկացած ժամանակ, իսկ Իրանի միջուկային ծրագրի դեմ գործող ծրագրերը կշարունակեն զարգանալ եւ կատարելագործվել», - ասել է Կոհավին:
Պաշտոնաթող հետախուզության ղեկավար, գեներալ-մայոր Թամիր Հայմանը ասել է, որ Իսլամական Հանրապետությունը ներկայումս կայուն է, սակայն կանխատեսել է, որ այն ի վերջո կտապալվի: «Չնայած սա անարդար տոտալիտար ռեժիմ է, որը ճնշում է իր քաղաքացիներին եւ ի վերջո տապալվում, այն այս պահին կայուն է», - ասել է նա: «Պատմությունը մեզ սովորեցրեց, թե ինչ է տեղի ունենում նման մութ ռեժիմների հետ», - ավելացրել է Հայմանը:
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
