«Ադրբեջանցիները Երևանում իրենց բավականին ազատ էին զգում․ չպետք է թույլ տային, որ կարողանային գային». Ղազինյան
Տեսանյութեր«Ադրբեջանցիները Երևանում իրենց բավականին ազատ էին զգում․ չպետք է թույլ տային, որ կարողանային գային». Այս մասին այսօր՝ փետրվարի 23-ին, մամուլի ասուլիսի ժամանակ ասաց ՀՀ ԱԺ ընդդիմադիր պատգամավոր Արթուր Ղազինյանը։
«Այն հանգամանքը, որ Ռուսաստանն ու Ադրբեջանը որոշել են կնքել դաշնակցային հարաբերությունների մասին հռչակագիր, դեռ չի նշանակում, որ նրանք դարձան դաշնակիցներ։ Եկեք չմոռանանք, որ նույն Ալիևը նույն Շուշիում է ստորագրել նման հռչակագիր, որը վավերացվեց Թուրքիայի ու Ադրբեջանի խորհրդարանների կողմից։ Այդ հռչակագրով նա ստանձնել է տրամագծորեն հակառակ պարտավորություններ հակառակ աշխարհաքաղաքական ու ուժային բևեռի հետ։ Այս երկու պարտավորությունների մեջ Ադրբեջանի համար շատ դժվար է լինելու մանևրել: Չի բացառվում, որ խնդիրներ կառաջանան հենց Ալիևի իշխանության համար։ Դեռևս շտապել պետք չէ, չի կարելի կայացած փաստ համարել ստորագրած փաստաթուղթը։ Գործընթացը նոր է սկսվում, Ադրբեջանում բոլորը չէ, որ կողմ են Ռուսաստանի հետ դաշնակցային հարաբերությունների հաստատմանը՝ հաշվի առնելով Ադրբեջանում առկա ռուսաֆոբիայի մակարդակը»,- ընդծեց Ղազինյանը:
Պատգամավորը հիշեցրեց նաև Ալիևի ուկրաինական այցը, որտեղ անուղղակի պարտավորություն ստանձնեց Ուկրաինայի տարածքային ամբողջականության մասով․
«Դրանք բավական սպառնալիք են ստեղծում Ռուսաստանի ու Ադրբեջանի հարաբերությունները դաշնակցային մակարդակի հասցնելու համար․ Սա առաջին փորձն է, թե ինչպես այն կլինի պրակտիկ դաշտում, ինչպիսի խնդիրներ կառաջացնի Ալիևի իշխանության համար, կերևա առաջիկայում»։
Ղազինյանը միևնույն ժամանակ նշեց, որ Հայաստանի արտաքին քաղաքականությունը տոտալ ձախողված ու տապալված է, որևէ բանական մարդ կասկածներ չունի․
«Իշխանությունը փչացրել է հարաբերությունները մեր բոլոր բարեկամների հետ, կորցրել կանխատեսելիության ու վստահելիության կարևորագույն գործոնը, որը պարտադիր պայման է միջազգային հարաբերություններում։ Մենք նախ պետք է մտածենք այս իշխանություններից ազատվելու, ազգային ու պետական շահի վրա հիմնավորած իշխանություն ստեղծելու մասին, մշակենք արտաքին քաղաքականության հայեցակարգ, կատարենք շահերի գույքագրում, իրականացնենք կոնկրետ արտաքին քաղաքականություն՝ հիմնված ՀՀ ազգային ու պետական շահի վրա։ Հայաստանը մեր ռեգիոնում մնում է Ռուսաստանի միակ ռազմավարական, վստահելի, կանխատեսելի գործընկերը, գոնե՝ այս փուլում»,- հավելեց պատգամավորը:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
