Արբաթ գյուղում տուն է այրվել. հրդեհը մարել են մեծ թվով հրշեջ-փրկարարներ
Արտակարգ Պատահար
Ապրիլի 14-ին խոշոր հրդեհ է տեղի ունեցել Արարատի մարզում: Ժամը 17:20–ի սահմանում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ հրդեհ է բռնկվել Արարատի մարզի Արբաթ գյուղի 3-րդ փողոցի տներից մեկում, գրում է shamshyan.com:
Ըստ աղբյուրի՝ ժամանել են ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից 2 մարտական հաշվարկ, 2 ջրատար, հրդեհաշիջման և փրկարարական աշխատանքների կազմակերպման բաժնի և բժշկական ապահովման վարչության հերթապահ խմբերը, այնուհետև թիվ 4 հրշեջ-փրկարարական ջոկատից 2 մարտական հաշվարկ:
Մինչ հրշեջների ժամանումը՝ երկհարկանի տան երկրորդ հարկում առաջացած կրակի տարածման դեմ պայքարել են քաղաքացիները, ապա ժամանած հրշեջ-փրկարարները: Այրվել է նշված փողոցի թիվ 44 տան տանիքը, որը ամբողջութամբ «բաղդադ» է, նկուղի պահարանները, խոհանոցային գույքը՝ մասամբ, ինչպես նաև հարևան ննջասենյակն՝ ամբողջությամբ:
Թե ինչն է եղել հրդեհի պատճառը, պարզ կլինի փորձաքննություններ անցկացնելուց հետո: Դեպքի վայրում հավաքված քաղաքացիներն ասում էին, որ տեղում է նաև գյուղապետը, սակայն Արբաթը միացել է Մասիս խոշորացված համայնքին:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
