Բրիտանուհին թողել է լրագրողի իր աշխատանքը և մեծ գումարներ է վաստակում` իր մերկ լուսանկարները վաճառելով
Այլ33-ամյա բրիտանացի լրագրող Լին Քարը սկսել է գումար աշխատել ամուսնացած տղամարդկանց վրա՝ նրանց համար նկարվելով ներքնազգեստով։ Այս մասին հայտնում է The Sun-ը։
Քարը միշտ չէ, որ զբաղվել է մեծահասակների ժամանցով: Նա լրագրության և դերասանական վարպետության կոչում ունի և նախկինում աշխատել է Լոնդոնում հրատարակվող ամսագրերում, սակայն որոշել է թողնել աշխատանքը՝ սեփական էրոտիկ բիզնեսը սկսելու համար և այժմ տարեկան 114,000 ֆունտ է վաստակում:
Ըստ Քարի՝ իր 1900 բաժանորդներն ամեն ամիս վճարում են հինգ ֆունտ ստեռլինգ` OnlyFans-ում իր լուսանկարներին և տեսանյութերին հասանելիություն ունենալու համար: Հաճախորդների մեծ մասը ամուսնացած տղամարդիկ են, ովքեր ցանկանում են իրականացնել իրենց երևակայությունները:
Բացի անկեղծ նկարներից, Քարն առաջարկում է տեսազրույցներ և գանձում է մեկից չորս ֆունտ` մեկ րոպեի համար: «Դա նման է չարաճճի առցանց ընկերուհի ունենալուն, ով ձեր ձեռքի տակ կլինի օրը 24 ժամ, շաբաթը յոթ օր», - բացատրել է նա:
Քարն իր վաստակի մի մասը նվիրաբերում է բարեգործական հիմնադրամներին: Իր ծննդյան օրը բրիտանուհին ծրագրել է սափրել գլուխը և մազերը նվիրել բարեգործական կազմակերպությանը, որը պարիկ է պատրաստում քաղցկեղով հիվանդ երեխաների համար։