Նախկին պատգամավորի խնամին կալանավորված է․ «Ժողովուրդ»
Հայկական Մամուլ
«Ժողովուրդ» օրաթերթը գրում է.
«Ինչպես հայտնի է, ԱԺ նախկին պատգամավոր Գագիկ Մելիքյանի խնամին` Բերդ համայնքի նախկին ղեկավար Հարություն Մանուչարյանը, կալանավորված է: Քննչական կոմիտեն նրան մեղադրանք է առաջադրել, որ համայնքի իրավունքներին ու օրինական շահերին պատճառվել է էական վնաս: Իշխանությունը, սակայն, դրանով չի բավարարվել: Մեզ հայտնի դարձավ, որ նախկին քաղաքապետի խնամուն հերթական մեղադրանքն են առաջադրել, քանի որ նա դատարանում իր բարեկամների հետ կռիվ է սարքել:
Մեզ հայտնի դարձավ, որ Բերդ համայնքի նախկին ղեկավար Մանուչարյանը Տավուշի դատարանում իր նկատմամբ կիրառված խափանման միջոց կալանավորումը անձնական երաշխավորությամբ փոխարինելու վերաբերյալ միջնորդությունը քննության առնելու մասին որոշման հրապարակմանը՝ նախագահող դատավորի կողմից հիշատակված միջնորդությունը մերժելուց հետո, դատավորին սեռական բնույթի հայհոյանքներ է տվել:Ի դեպ, Armlur.am-ը գրել էր, որ նրա երկու բարեկամներին եւս դատարանում անհարգալից վերաբերմունքի ու հայհոյանքների համար մեղադրանք է առաջադրվել»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
