Ֆիլիպիններում արևադարձային «Մեգի» փոթորկի հետևանքով զոհերի թիվը հասել է 167-ի (լուսանկարներ)

Ֆիլիպիններում «Մեգա» արևադարձային փոթորկի հետևանքով տուժել է ավելի քան 1,93 միլիոն մարդ։ Ինչպես նշվում է Հանրապետության ռիսկերի կանխարգելման և բնական աղետների վերացման ազգային խորհրդի շաբաթ օրը հրապարակված զեկույցում, զոհվել է 167 մարդ։
Գործակալության տվյալներով՝ ցիկլոնը տարածվել է ինը շրջաններում։ Ավելի քան 348,3 հազար մարդ տեղափոխվել է տարհանման կենտրոններ, նախապես տարհանվել է 32,9 հազար մարդ։ Ութ մարդ վիրավորվել է, 110-ը անհետ կորած է համարվում։ 

«Մեգին» վնասել է 10,3 հազար տուն, վնասի նախնական չափը կազմել է 709,5 հազար պեսո (13,5 հազար դոլար)։ Արձանագրվել է 560 ջրհեղեղ և 89 սողանք։ Հինգ շրջաններում գյուղատնտեսությանը հասցված վնասը գնահատվում է 242,2 մլն պեսո (4,64 մլն դոլար), ենթակառուցվածքներինը՝ 6,95 մլն պեսո (133,2 հազար դոլար): Հարվածի հետևանքով՝ վնասվել է 240 ճանապարհ և ինը կամուրջ։ 76 քաղաքներում գրանցվել է հոսանքազրկում, երեքում՝ ջրամատակարարման դադար։

Ութ մարզերի իշխանությունները հայտարարել են 192 ուսումնական հաստատություններում դասերի դադարեցման և 139 ձեռնարկություններում աշխատանքի դադարեցման մասին։ 41 նավահանգստի աշխատանքը դադարեցվել է, վեցը վերսկսել են իրենց գործունեությունը։ Արտակարգ դրություն է գործում 16 քաղաքներում և համայնքներում։ Կառավարությունն օգնության համար հատկացրել է 48,5 մլն պեսո (930,3 հազար դոլար)։