Բրիտանիայում ուսուցչին աշխատանքից ազատել են դասի ժամանակ 74 անգամ պոռնո դիտելու համար

Անգլիայում գիմնազիայի ուսուցչին աշխատանքից ազատել են այն բանից հետո, երբ հայտնի է դարձել, որ նա հեռավար ուսուցման ընթացքում պոռնոկայքեր է զննում, գրում է Mirror-ը։

Ըստ լրատվամիջոցների՝ 58-ամյա Դեյվիդ Չիդլոուն հեռացվել է դպրոցից, երբ հետաքննությունը պարզել է, որ նա անցյալ տարվա փետրվար-մարտ ժամանակահատվածում 74 անգամ այցելել է պոռնոգրաֆիկ կայքեր։ Տղամարդը խոստովանել է, որ իսկապես այցելել է նման վեբ-ռեսուրսներ և փորձել է թաքցնել ապացույցները՝ ջնջելով իր աշխատանքային համակարգչից բրաուզերի պատմությունը։

Ուսումնական հաստատության ղեկավարությունը որոշել է խզել պայմանագիրը տղամարդու հետ՝ չհավատալով, որ Դեյվիդը զղջացել է իր արածի համար։ Բացի այդ, գիմնազիայի ներկայացուցիչները նախատեսում են դիմել դատարան՝ Չիդլոուին դասավանդելն արգելելու համար։