Ռուս-ամերիկյան հարաբերությունները անմխիթար վիճակում են. ՌԴ դեսպան
Համաշխարհային Մամուլ
Ռուս-ամերիկյան հարաբերություններն այսօր անմխիթար վիճակում են, մոտեցել են վտանգավոր գծի։ Այս մասին հայտարարել է ԱՄՆ-ում Ռուսաստանի դեսպան Անատոլի Անտոնովը, գրում է ՏԱՍՍ-ը։
«Ես, թերևս, կսկսեի հիմնական կետից՝ փորձել հասկանալ, թե ինչու են ռուս-ամերիկյան հարաբերություններն այսօր այդքան անմխիթար վիճակում: Պարզապես ասել, որ Ռուսաստանի և ԱՄՆ-ի հարաբերությունները հասել են վտանգավոր գծի, նշանակում է՝ ոչինչ չասել»,- նշել է նա։
«Ուկրաինան ընդամենը ձգան է՝ բացահայտելու բոլոր այն խորը խնդիրները, որոնք այսօր կան աշխարհում, մեզ չեն բավարարում խաղի կանոնները, որոնք ամերիկացիները փորձում են մեզ պարտադրել»,- հավելել է Անտոնովը։
Ռուս դիվանագետը նշել է, որ այսօր խոսքը միջազգային ասպարեզում տեկտոնական տեղաշարժերի մասին է, որոնց դեմ Վաշինգտոնը փորձում է իր իսկ շահերից ելնելով՝ պաշտպանել ստեղծված աշխարհակարգը։ «Ամերիկացի որոշ հետազոտողներ, փորձելով նկարագրել ԱՄՆ-ի քաղաքականությունը, համեմատում են այն ծույլ շերիֆի աշխատանքի հետ: Սա, ասում են, այնպիսի կովբոյ է, ով փոքրիկ քաղաքում նստում է սեղանի առջև, թերթեր է կարդում՝ ծանր կոշիկներ հագած, ծխում և վիսկի է խմում: Այս ամենը մնում է մինչև գանգստերները մտնեն քաղաք և ստիպեն նրան հանել ատրճանակը», - եզրափակել է Անտոնովը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
