Մոսկվայի բնակչուհին որդու վաճառքի մասին գովազդ է գտել Telegram-ում

38-ամյա մոսկվացին Telegram-ի ալիքներից մեկում գտել որդու վաճառքի մասին գովազդ։ Այս մասին հայտնում է «SHOT» Telegram ալիքը։ Հրատարակության համաձայն՝ ծնողներից մեկը դպրոցական չաթում տեղեկացրել է կնոջը  «Վաճառում եմ երեխայի» անունով  ալիքի մասին։ Սեղմելով չաթի հղման վրա՝ կինը վաճառքի հանված երեխաների մեջ գտել է իր 11-ամյա որդուն։ Ավելի ուշ, վեցերորդ դասարանցու մայրը գտել է ևս մեկ ալիք՝ երեխայի փոխանակման գործառույթով: Յուրաքանչյուր գովազդ ուղեկցվում էր լուսանկար, երեխայի բնութագրերը (առողջություն, քաշ և այլ պարամետրեր) և գինը։

Ծնողները անհանգստացած են ստեղծված իրավիճակով. «Ես և մյուս ծնողները կարծում ենք, որ սա ինչ-որ երեխայի դաժան կատակ չէ, քանի որ այս բիզնեսը համակարգված է և շարունակվում է հուլիսից։ Ինչպես հասկացանք, այս անձը կապ է հաստատել մեր երեխաների հետ ինչ-որ առցանց խաղի միջոցով, սկսել է շփվել, շահել նրանց վստահությունը և հետո միայն նրանցից տվյալներ հավաքել (անուն, տարիք և այլն), սկսել է հրապարակել այդ ամենը»,- կիսվել է տղայի մայրը՝ հավելելով, որ շատ է անհանգստացել իր երեխայի համար և չգիտի, թե ինչով կարող է դա ավարտվել։