Տարոն Մանուկյանը և Գոռ Սարգսյանն ազատ արձակվեցին

«Հայաստան» խմբակցության պատգամավոր Գեղամ Մանուկյանի որդին՝ Տարոն Մանուկյանը, և  Գոռ Սարգսյանն ազատ արձակվեցին: Այս մասին հայտնում է ԱԺ պատգամավոր Քրիստինե Վարդանյանը։

«5 ամիս ապօրինի կալանավորված Գոռն ու Տարոնն ազատության մեջ են»,- գրել է Վարդանյանը։

Հիշեցնենք, որ մայիսի 8-ին ընդդիմադիր գործիչների նախաձեռնությամբ Գյումրիում հանրահավաք է եղել։ Նույն օրը Գյումրու Երևանյան խճուղում գտնվող հասարակական տրանսպորտի կանգառում միջադեպ-վիճաբանություն է տեղի ունեցել։

Մասնավորապես, կանգառում կանգնած տարեց տղամարդիկ՝ 74, 56, 72 և 84 տարեկան, հայհոյանքներ են հնչեցրել դաշնակցական երիտասարդների հասցեին, ձվեր նետել վերջիններիս ուղղությամբ, ինչից հետո վիճաբանություն է տեղի ունեցել։