«Խաղաղության պայմանագիրը չեն ստորագրի, ձմռան ցրտին կմնան առանց լույսի և գազի». Ադրբեջանցի պատգամավորը սպառնում է Հայաստանին

Ադրբեջանցի պատգամավոր Ռասիմ Մուսաբեկովը սպառնում է հայկական կողմին՝ ադրբեջանական պայմաններով հաշտության պայմանագիր ստորագրելուց հրաժարվելու դեպքում, հաղորդում է Infoteka.24-ը։

«Հայերին խելքի բերելու համար մենք ունենք բազմաթիվ լծակներ՝ գազատար խողովակագիծ, էլեկտրահաղորդման գծեր։ Խաղաղության պայմանագիր չեն ստորագրի, ձմռան ցրտին կմնան առանց լույսի ու գազի: Ի՞նչ են անելու այդ ժամանակ։ Ոչինչ»,- ասել է Մուսաբեկովը Ադրբեջանի հանրային հեռուստատեսության (ITV) եթերում։

Հիշեցնենք, որ այս տարվա մարտին Ադրբեջանական կողմն արդեն դիմել էր Արցախում գազամատակարարման դադարեցմանը՝ տարածաշրջանի համար աննախադեպ սառնամանիքների պայմաններում։

Ադրբեջանցի քաղաքական գործիչների նման հայտարարությունները միայն ապացուցում են, որ Ադրբեջանի հերթական ագրեսիայի նպատակը Հայաստանին «խաղաղության» ստիպելն է, այն է՝ ընդունել Բաքվի այն պայմանները, որոնք ընդունելի չեն Հայաստանի համար։