ԱՄՆ-ում ուսանողները պահանջում են աշխատանքից հեռացնել ուսուցչուհուն, ով ասել է, որ կա ընդամենը երկու սեռ

ԱՄՆ-ի Պորտլենդում տեղի համալսարանի ուսանողները պահանջում են աշխատանքից հեռացնել ուսուցչուհուն, ով ուսանողներին ասել է, որ գոյություն ունի ընդամենը երկու սեռ, գրում է Daily Mail-ը։

Պրոֆեսոր Քրիստի Համմերը դրական ուսումնական միջավայր ստեղծելու մասին դասի ժամանակ հայտարարել է, որ գոյություն ունի ընդամենը երկու սեռ: Նրա հետ համաձայն էր միայն մեկ ուսանող։ Մնացածը համարում էին, որ կա և՛ կենսաբանական, և՛ սոցիալական սեռ։ Մեկ շաբաթ անց դասի ժամանակ ուսանողուհին, ով իրեն ոչ կին, ոչ տղամարդ չի համարում, կրկին հարցրել է, թե քանի սեռ կա։ Լսելով պատասխանը, որ դրանք ընդամենը երկուսն են, նա իրեն անհարմար զգացել: Ուսանողը չի համարում, որ ուսուցչուհին բավականաչափ որակավորված է՝ դրական ուսումնական միջավայր ստեղծելու մասին դասերը վարելու համար:

Այժմ ուսանողները հրաժարվում են մասնակցել Քրիստի Համերի դասախոսություններին և պահանջում են նրան հեռացնել աշխատանքից։ Ադմինիստրացիան որոշել է ստեղծել մեկ այլ դասընթաց այլ ուսուցչով, որտեղ ուսանողները կարող են տեղափոխվել։ Պրոֆեսորը նույնպես կշարունակի դասավանդել, բացի այդ, մոտ երկու հազար մարդ ստորագրել է նրան աշխատավայրում պահելու խնդրագիրը։