Պապարացիները Էմբեր Հերդին լուսանկարել են լողազգեստով Իսպանիայում հանգստանալիս

Դերասանուհի Էմբեր Հերդը Իսպանիայում հանգստանալու ժամանակ լողազգեստով հայտնվել է պապարացիների տեսախցիկների առջև։ Համապատասխան լուսանկարները հրապարակել է Daily Mail-ը։

36-ամյա Էմբեր Հերդն արդեն մեկ շաբաթ է, ինչ հանգստանում է Պալմա դե Մալյորկայում իր մեկամյա դստեր՝ Ունա Փեյջի հետ։ Պապարացիների կողմից արված նկարներում «Aquaman»-ի աստղը սև լողազգեստով է և կոնքերին կապված սպիտակ վերնաշապիկով։ Տեսքը համալրվել է արևային ակնոցներով և Apple Watch-ով:

«Կարո՞ղ է նա իրեն թույլ տալ ճանապարհորդել: Կարծում էի, որ նա միջոցներ չունի», «Նա դեպրեսիվ տեսք ունի», «Եթե նա «ավերված է», ինչպես ինքն է պնդում, ապա ինչպե՞ս է վճարել ուղևորության համար»,- մեկնաբանություններում գրել են Daily Mail-ի օգտատերերը։