Շակիրան ակնարկել է, որ վաղուց գիտեր Պիկեի դավաճանությունների մասին

Երգչուհի Շակիրան ինստագրամյան իր էջում նոր երգի թիզեր է հրապարակել և ակնարկել, որ վաղուց գիտեր Պիկեի դավաճանության մասին։ Անձնական բլոգում Շակիրան կիսվել է կարճ տեսահոլովակով, որտեղ ինչ-որ մեկը հեռանում է՝ ոտքը դնելով սրտի վրա: «Ես ոչինչ չասացի, բայց ցավ էի զգում։ Ես գիտեի, որ դա տեղի կունենա»,- գրել է արտիստը տեսանյութին կից:

Այս տարվա հունիսին Շակիրան լքել էր իսպանական «Բարսելոնա» ֆուտբոլային ակումբի ավագ Ժերար Պիկեին իր դավաճանությունների պատճառով։ 2010 թվականին մարզիկը նկարահանվել է երգչուհու՝ Աշխարհի գավաթի պաշտոնական երգի «Waka Waka (Այս անգամ Աֆրիկայի համար)» տեսահոլովակում, իսկ 2011 թվականին նրանք հայտարարեցին իրենց սիրավեպի մասին։ Երկու տարի անց ծնվեց նրանց առաջնեկը, ում անվանեցին Միլան, իսկ երկու տարի անց ծնվեց նրանց երկրորդ որդին՝ Սաշան։

Սեպտեմբերին Շակիրան նկարահանվել է Elle USA-ի շապիկի համար և անկեղծ հարցազրույց տվել Ժերար Պիկեից բաժանվելու մասին։ Երգչուհին խոստովանել է, որ ե ինքը, և իրենց որդիները դժվարությամբ են հաղթահարում բաժանումը։