Գլխուղեղի սուր իշեմիկ կաթվածների ծրագիրը բարեհաջող է ընթանում․ նախարար

Առողջապահության նախարար Անահիտ Ավանեսյանն ընդունել է Հայաստանի կաթվածի խորհրդի գործադիր կազմի ներկայացուցիչներին:

«Բարձր եմ գնահատում առողջապահության ոլորտի զարգացմանն ուղղված Ձեր ջանքերն ու նվիրումը: Բնակչության առողջության պահպանմանը և կյանքի որակի բարելավմանը միտված այս ծրագիրը բարեհաջող ընթանում է: Իսկ ստեղծված համագործակցությունը մնայուն և լավ օրինակ է»,- ասել է Անահիտ Ավանեսյանը:

Հյուրերը ուրախությամբ փաստել են, որ կաթվածի բուժման ծրագիրը հասանելի է դառնում մարզային բնակչության համար` Գյումրիի բժշկական կենտրոնում ծրագրի ներդրման օրինակով:

Անդրադարձ է եղել նաև կաթվածի հեռաբժշկության զարգացմանը, մասնագետների վերապատրաստման հնարավորություններին, միասնական գործելակարգ մշակելու անհրաժեշտությանը:

Քննարկվել են նաև հեռանկարային հարցեր:

Հանդիպման ավարտին Անահիտ Ավանեսյանը պատվոգրեր է հանձնել Կանադայի «Ալբերտայի համալսարան»-ի նյարդավիրաբուժության դոցենտ Միքայել Սքոն Մուրաթօղլուին, Գլենդելի (ԱՄՆ) «Ադվենտիստ կաթվածի համապարփակ կենտրոն»-ի նյարդավիրաբույժ Միքայել Գրիգորյանին և Բոսթոնի Համալսարանի (ԱՄՆ) պատվավոր դոկտոր Վիկեն Բաբիկյանին գլխուղեղի սուր իշեմիկ կաթվածների թրոմբոլիտիկ բուժման և մեխանիկական թրոմբէկտոմիա ծառայություններում ներդրած նշանակալի ավանդի համար:

Այս թեմայով «Պացիենտները էլեկտրոնային ձևով կտեսնեն, թե իրենց բուժման համար պետությունն ինչքան գումար է փոխանցել» (տեսանյութ) ԱԺ-ում քննարկվում է առողջապահության նախարարության բյուջեի նախագիծը (տեսանյութ) Հայաստանում տուբերկուլոզի, ՄԻԱՎ/ՁԻԱՀ-ի դեմ պայքարում առաջընթաց կա. ՀՀ ԱՆ Ավանեսյանը կարևորում է տեղահանված և իրենց բնականոն կյանքից զրկված քաղաքացիներին բժշկական աջակցության տրամադրումը Ավանեսյանը դեղ արտադրող, ներմուծողների հետ քննարկել է ԵԱՏՄ շուկայում դեղերի արտադրության հարցը