Ուկրաինայում զինադադարի հնարավորությունը բաց է թողնվել. Կադիրով

Չեչնիայի ղեկավար Ռամզան Կադիրովը կարծում է, որ Մոսկվայի և Կիևի միջև ցանկացած զինադադարի հնարավորություն բաց է թողնվել Ուկրաինայի նախագահ Վոլոդիմիր Զելենսկու և նրա շրջապատի պատճառով։ Այս մասին Չեչնիայի ղեկավարը գրել է Telegram-ի իր ալիքում։

«Այն, ինչ այսօր տեղի է ունենում, հատուցում է սառնասրտորեն սպանված և հաշմանդամ երեխաների, կանանց, ծերերի համար։ «Ցանկացած զինադադարի հնարավորությունն անդառնալիորեն բաց է թողնվել թույլ կամք ունեցող Զելենսկու և նրա կատաղի հանցախմբի ջանքերով», - ասել է նա:

Նա ընդգծել է, որ այն երկրների իշխանությունները, որոնք այսօր դատապարտում են հրթիռային հարվածները Ուկրաինայում ռազմական հրամանատարության և հսկողության, կապի և էներգետիկ օբյեկտների վրա, «ութ տարի շարունակ թքած են ունեցել Դոնբասի հազարավոր բնակիչների, այդ թվում՝ երեխաների, կանանց, տարեցների և այլ երկրների ճակատագրի վրա»։