Ռուսաստանը հայ-ադրբեջանական սահմանին ԵՄ քաղաքացիական առաքելությունը դիտարկում է որպես ԵՄ-ի փորձ՝ դուրս մղելու Մոսկվայի միջնորդական ջանքերը. Զախարովա

Ռուսաստանը հայ-ադրբեջանական սահմանին ԵՄ քաղաքացիական առաքելությունը դիտարկում է որպես ԵՄ-ի փորձ՝ դուրս մղելու Մոսկվայի միջնորդական ջանքերն ու միջամտելու հարաբերությունների կարգավորմանը, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան` անդրադառնալով ՀՀ ԵՄ-ի քաղաքացիական առաքելություն ուղարկելուն։  

«Մենք տեսնում ենք ԵՄ-ի հերթական փորձերը ցանկացած ձևով մխրճվել Հայսատանի և Ադրբեջանի հարաբերությունների կարգավորմանը, նվազեցնել մեր երկրի ջանքերը: Իհարկե, գործը սուվերեն պետություններին է, սակայն ութ տարի նրանք չկարղացան, խոսքը Բեռլինի և Փարիզի մասին է, կանխել Ուկրաինայում իրավիճակը այսպիսի թեժ կետի վերածելը: Ութ տարի նրանք կրում էին «միջնորդների» հպարտ անունը։ ԵՄ-ն իր վրա էր վերցրել «միջնորդի» դերը մայդանի ժամանակ, և ինչո՞վ դա ավարտվեց: Ընդ որում՝ Բրյուսելում նախընտրում են չմտածել տարածաշրջանային կայունության համար այդ քայլի հետևանքների մասին։ Պատմությունից մենք գիտենք, որ ԵՄ առաքելությունը ռեալ կարգավորման չի բերել»- ասել է Զախարովան։ 

Նա նշել է, որ Բաքվի ու Երևանի հաշտեցման, տարածաշրջանում ամուր խաղաղության, երկարաժամկետ կայունության հաստատման միակ բանալին Ռուսաստանի, Հայաստանի և Ադրբեջանի ղեկավարների եռակողմ հայտարարությունների ամբողջական կյանքի կոչումն է, և որ Մոսկվան պարբերական շփումներ է պահպանում Հայաստանի և Ադրբեջանի իշխանությունների հետ:

Դիվանագետի խոսքով՝ այդ առումով կօգտագործվի նաև Աստանայում ԱՊՀ արտգործնախարարների առաջիկա նիստի հնարավորությունը: