Ռուսաստանի և Թուրքիայի պաշտպանության նախարարները հեռախոսազրույց են ունեցել

Թուրքիայի պաշտպանության նախարար Հուլուսի Աքարը իր ռուս գործընկեր Սերգեյ Շոյգուի հետ հեռախոսով քննարկել է Ուկրաինայում տիրող իրավիճակը, հայտնում է RIA Novosti-ն։

«Ազգային պաշտպանության նախարար Հուլուսի Աքարը հեռախոսազրույց է ունեցել ՌԴ պաշտպանության նախարար Սերգեյ Շոյգուի հետ։ Զրույցի ընթացքում նախարար Աքարն իր ռուս գործընկերոջ հետ քննարկել է երկկողմ և տարածաշրջանային պաշտպանության և անվտանգության հարցեր, մասնավորապես՝ Ուկրաինայում և Սիրիայում տիրող իրավիճակը… Շեշտվել է արագ հրադադարի կարևորությունը՝ մարդկային հետագա կորուստները կանխելու և տարածաշրջանում խաղաղությունն ու կայունությունը վերականգնելու համար։ Գոհունակությամբ նշվել է հրադադարի հարցում կողմերի ընդհանուր ըմբռնումը», - հայտնել է Թուրքիայի ռազմական գերատեսչությունը։

«Բանակցությունների ընթացքում առանձնահատուկ ուշադրություն է դարձվել հացահատիկի հաջող փոխադրման զարգացմանը (ուկրաինական նավահանգիստներից - խմբ.): Եվս մեկ անգամ նշվեց, որ Թուրքիան, որն ամեն տեսակի աջակցություն է ցուցաբերում մարդասիրական օգնության ոլորտում, պատրաստ է նպաստել տարածաշրջանում խաղաղության ապահովմանը, ինչպես դա արել է մինչ այժմ»,- ասված է հաղորդագրությունում:

Հաղորդվում է, որ կողմերը քննարկել են Սիրիայում տիրող իրավիճակը, ընդգծվել է, որ «ահաբեկչական սպառնալիքի մշտական ​​կանխումը... և ահաբեկչական կազմակերպությունների չեզոքացումը Անկարայի առաջնահերթությունն է»։

«Եվս մեկ անգամ ընդգծվեց այս հարցում նախկին պայմանավորվածությունների հարգման կարևորությունը»,-ասված է հաղորդագրությունում:

Այս թեմայով Ուկրաինական նավահանգիստները մաքրելու անհրաժեշտություն չկա․ Թուրքիայի ԱԳՆ Ադրբեջանի պաշտպանության նախարարը մեկնել է Թուրքիա Թուրքիան միշտ պատրաստ է մոբիլիզացնել իր ուժերը Ադրբեջանի խնդիրները լուծելու համար․ Թուրքիայի ՊՆ Թուրքիայի Պաշտպանության նախարար Հուլուսի Աքարը Բաքվից դիմել է Երևանին Թուրքիան լուծումներ է առաջարկում․ Թուրքիայի ՊՆ ղեկավարը՝ Հայաստանի՝ ականապատ դաշտերի քարտեզները չտրամադրելու մասին