Քանյե Ուեսթը պոռնոգրաֆիկ տեսանյութ է ցուցադրել adidas-ի ղեկավարների հետ գործնական հանդիպման ժամանակ

Ռեփեր և դիզայներ Քանյե Ուեսթը պոռնոգրաֆիկ տեսանյութ է ցուցադրել adidas-ի աշխատակիցների հետ գործնական հանդիպման ժամանակ։ Այդ մասին գրում է Page Six-ը։

Քանյե Ուեսթը YouTube-ում 30 րոպեանոց տեսանյութ է հրապարակել «Անցյալ շաբաթ» վերնագրով, որը ներառում է տեսանյութ adidas-ի ղեկավարների հետ հանդիպումից: Կադրերում երեւում է, թե ինչպես են կատարողն ու նրա երկու ներկայացուցիչները սպորտային ապրանքանիշի երկու աշխատակիցների հետ նստած։ Ուեսթը հեռախոսը հորիզոնական է պահել և պոռնոգրաֆիկ տեսանյութ է ցուցադրում։

Մի քանի վայրկյան անց տղամարդկանցից մեկը հարցնում է. «Սա պոռնոֆիլ՞մ է»: Ինչին Ուեսթը պատասխանել է՝ «Այո»: Դրանից հետո տղամարդը խնդրել է Քանյե Ուեսթին հեռացնել հեռախոսը:

Այսպիսով, արտիստը փորձել է ուշադրություն հրավիրել իր ապրանքանիշի Yeezy-ի և adidas-ի համագործակցության խնդիրների վրա։

«Ես կաշխատեմ adidas-ի հետ միայն այն դեպքում, եթե նա լինի գործադիր տնօրեն», - ասել է Ուեսթը ՝ մատնացույց անելով իր թիմի անդամներից մեկին: Ըստ ռեփերի՝ սպորտային բրենդը սխալ է վարվել իր ընկերության, բիզնեսի և գործընկերության նկատմամբ։