Տաճարի մոտ գտնվող լճակում 70 տարի ապրած բուսակեր կոկորդիլոսը սատկել է

Սատկել է Բաբիա անունով բուսակեր կոկորդիլոսը, ով մոտ 70 տարի ապրել է հնդկական Քերալա նահանգի Կումբլա քաղաքի տաճարներից մեկի մոտ գտնվող լճակում և սնվել միայն բրնձով և շաքարավազով, հայտնում է Indian Express-ը։

Տաճարը տեղեկություն չունի այն մասին, թե ինչպես է հսկայական սողունը հայտնվել լճակում, մինչդեռ մոտակայքում գետ կամ այլ ջրամբար չկա: Տաճարի աշխատակիցները պնդում են, որ բրիտանացի զինվորը 1945 թվականին սրբավայրում կրակել է կոկորդիլոսի վրա, իսկ մի քանի օր անց հայտնվել է մեկ այլ կոկորդիլոս՝ Բաբիա անունով։

Սողունը երբեք ագրեսիա չի ցուցաբերել և չի հարձակվել մարդկանց վրա։ Կենդանուն, որին սկսել են համարել սուրբ, այցելում են բազմաթիվ ուխտավորներ: Բաբիան ապրում էր լճակում և սնվում էր միայն բրնձի և արմավենու հում շաքարի ընծաներով, որոնք նրան մատուցվում էին օրական երկու անգամ տաճարում պաշտամունքի արարողություններից հետո:

Երկուշաբթի լույս հոկտեմբերի 10-ի գիշերը կոկորդիլոսը սատկել է։ Կենդանու մարմինը դրել են շարժական սառցախցիկում՝ Կումբլա քաղաքի տաճարի տարածքում։ Հարյուրավոր ուխտավորներ հավաքվել են հարգանքի տուրք մատուցելու սողունին, որը տաճարում ապրել է ավելի քան 70 տարի:

Այս թեմայով Կոկորդիլոսը մտել է տուն և ողջ գիշերն անցկացրել քնած մարդու մահճակալի տակ Կոկորդիլոսին կասկածում են ձկնորսի առեղծվածային անհետացման մեջ Կոկորդիլոսը լողափում պառկած շանը քարշ է տվել ջրի տակ և տեսագրվել Համարձակ կինը փրկել է ամուսնուն կոկորդիլոսի երախից Տղամարդը կոկորդիլոսի ձվեր հավաքելիս հայտնվել է կոկորդիլոսի երախում