Հաղպատ-Ալավերդի ճանապարհին բախվել են Kia Sorento-ն ու «06»-ը, կա վիրավոր

Այսօր՝ հոկտեմբերի 11-ին, խոշոր ավտովթար է տեղի ունեցել Լոռու մարզում։ Ժամը 08։35-ի սահմաններում Հաղպատ-Ալավերդի ավտոճանապարհի 3-րդ կմ-ին բախվել են Հաղպատ գյուղի բնակիչներ՝ 52-ամյա Արտակ Գալստյանի վարած ՎԱԶ 2106 մակնիշի և 32-ամյա Գուրգեն Աբելյանի վարած Kia Sorento մակնիշի ավտոմեքենաները։

Ինչպես հայտնում է Shamshyan.com-ը, վթարի հետևանքով վարորդներից Ա. Գալստյանը մարմնական վնասվածքներով տեղափոխվել է «Ալավերդի» ԲԿ։

Դեպքի վայր են ժամանել ՀՀ ոստիկանության պարեկային ծառայության Լոռու գումարտակի հրամանատար Կարեն Բեժանյանն ու նույն գումարտակի ծառայության ավագ տեսուչ Արման Սուքիասյանը։ 

Դեպքի վայր են ժամանել նաև ոստիկանության Թումանյանի բաժնի օպերատիվ խումբը՝ օրվա պատասխանատու հերթապահի գլխավորությամբ։

Վթարի մասին պարեկային ծառայության Լոռու գումարտակից տեղեկությունը փոխանցել են Հայաստանի քննչական կոմիտեի Լոռու մարզային քննչական վարչության Թումանյանի քննչական բաժին, որտեղից ժամանել է քննչական խումբը՝ հերթապահ քննիչի գլխավորությամբ, ում կողմից նախաձեռնվել է վարույթ։