Ռամոսին սպառնում է 2-7 խաղով որակազրկում՝ մրցավարին «սրիկա» անվանելու պատճառով

Սերխիո Ռամոսին սպասվում է երկարաժամկետ որակազրկում՝ մրցավարին վիրավորելու համար, գրում է Sports.ru-ն։

ՊՍԺ-ի 36-ամյա իսպանացի պաշտպանը Լիգա 1-ի «Ռեյմսի» հետ խաղի առաջին խաղակեսում (0:0) մեկ րոպեով դեղին և կարմիր քարտ է ստացել մրցավար Պյեր Ժելուստի հետ վեճի համար։

Ինչպես հայտնում է RMC Sport-ը, հանդիպման մրցավարը հանդիպումից հետո իր զեկույցում նշել է, որ Ռամոսը բողոքել է իր որոշումների դեմ, սակայն վիրավորանքի մասին չի նշել։

Ավելի ուշ հնարավոր է դարձել պարզել, թե ինչ է ասել Ռամոսը մրցավարին՝ «puta madre», որ իսպաներենից թարգմանաբար նշանակում է «սրիկա»:

Ագրեսիվ պահվածքի համար Ռամոսին սպառնում է որակազրկում 2-7 խաղով: Չորեքշաբթի երեկոյան կկայանա կարգապահական կոմիտեի նիստը։