ԱՄՆ-ն յոթ ուլիկների մասին հեքիաթի գայլին է նման. Զախարովա
Աշխարհ
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան ԱՄՆ-ն համեմատել է «Գայլը և յոթ ուլիկները» հեքիաթի գայլի հետ։
Այսպիսով, դիվանագետը մեկնաբանել է Սպիտակ տան Անվտանգության խորհրդի ռազմավարական հաղորդակցությունների համակարգող Ջոն Քիրբիի հայտարարությունն այն մասին, որ Ռուսաստանը բանակցությունների պատրաստակամության նշաններ ցույց չի տալիս։ Պաշտոնյան նաև նշել է, որ Վաշինգտոնը կցանկանար ուկրաինական հակամարտության շուտափույթ կարգավորումը դիվանագիտական ճանապարհով։
«Հիշում եք, չէ՞, ինչպես էր գայլն ասում. «Ուլիկներ, ձեր մայրը եկել է, կաթ է բերել։ Պարզապես բացեք դռնակն ու ներս թողեք ինձ: Դա մոտավորապես նույն բանն է»,- ասել է Զախարովան Sputnik ռադիոկայանի եթերում։
Նա նշել է, որ «խաղաղ» Միացյալ Նահանգները «երկու հակասահմանադրական պետական հեղաշրջում» է իրականացրել Ուկրաինայում։ Զախարովայի խոսքով՝ Կիևին զենք մատակարարելով և բոլոր տեսակի ռազմատեխնիկական աջակցության համար վճարելով՝ Վաշինգտոնը «խաղաղություն է հայտարարում»։
ՌԴ ԱԳՆ ներկայացուցիչը նման խաղաղությունն անվանել է «Չնոբելյան խաղաղության մրցանակ»։
«Սա այնքան հակատրամաբանական է»,- հավելել է Զախարովան։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
