Ուկրաինային սահմանակից ռուսական Բելգորոդում նոր պայթյուններ են որոտացել

Օդային պաշտպանության համակարգը (ՀՕՊ) աշխատել է ռուսական Բելգորոդ քաղաքի վրա. քաղաքում յոթ պայթյուն է որոտացել, որոնց թիրախում եղել է նաև մարզային մաքսային անցակետը։

Այս մասին հայտնում է РИА «Новости»-ն:

«Մոսկվայի ժամանակով մոտ 12.50-ին քաղաքի կենտրոնում բարձր պայթյուն է հնչել, ապա 20 րոպեի ընթացքում՝ ևս 6-ը: Երկնքում տեսանելի են ՀՕՊ-ի աշխատանքների հետքերը, - ասել է գործակալության թղթակիցը:

Ավելի վաղ Բելգորոդի իշխանությունները տարհանել են բնակիչներին: 

Հիշեցնենք, որ վերջին օրերին ուկրաինական զինուժը ինտենսիվորեն հրթիռակոծում է ոչ միայն Բելգորոդ քաղաքը, այլև հարակից շրջանները: