Բրեդ Փիթը խոստովանել է, որ ծանր է տարել Անջելինա Ջոլիից բաժանումը

Դերասան Բրեդ Փիթը հիշել է, թե ինչպես է ամուսնալուծվել Անջելինա Ջոլիից։ Այս մասին հայտնում է Hola! հրատարակությունը։

The Financial Times-ին տված հարցազրույցում Բրեդ Փիթը խոստովանել է, որ Անջելինա Ջոլիից բաժանվելուց հետո դժվար ժամանակներ է ապրել։ «Մեր փոխադարձ տառապանքը դարձել էր զավեշտական։ Եվ այդ տառապանքից բոցավառվեց ուրախության կրակը։ Ես միշտ ցանկացել եմ քանդակագործ լինել, ցանկացել եմ փորձել: Ամուսնալուծությունից հետո դժվար էր, բայց ես գտա ինքս ինձ»,- հիշում է նա:

Փիթի խոսքով՝ այս դժվարին ժամանակաշրջանում իրեն օգնել է քանդակագործ Թոմաս Հաուսագոյի հետ իր ընկերությունը։

«Ես նայում էի իմ կյանքին և կենտրոնանում նրա վրա, որ սովորեմ կառավարել այն: Փնտրում էի, թե որտեղ եմ սխալվել, փնտրում էի անհաջողությունները: Ես անցա իմ ամբողջական ինվենտարիզացիայի միջով: Ես հնարավորինս ազնիվ դարձա ինքս ինձ հետ»,- հավելել է նա:

Բրեդ Փիթն ու Անջելինա Ջոլին հաստատել են իրենց սիրավեպը 2006 թվականի հունվարին։ Չորս ամիս անց ծնվեց նրանց դուստրը՝ Շայլոն, իսկ 2008 թվականի հուլիսին ծնվեցին երկվորյակներ Նոքսն ու Վիվիենը։ Բացի երեք կենսաբանական երեխաներից, Ջոլին և Փիթը երեք որդեգրված երեխա ունեն՝ Մեդոքսը, Պաքսը և Զահարան։ Դերասաններն ամուսնացել են 2014 թվականին, 2016 թվականին Ջոլին ամուսնալուծության հայց է ներկայացրել, իսկ 2019 թվականին ամուսնությունը պաշտոնապես չեղյալ է հայտարարվել։

Այս թեմայով Մարգո Ռոբին և Բրեդ Փիթը՝ «Բաբելոն» ֆիլմի պրեմիերային Բրեդ Փիթը պատմել է իր ամենասիրելի ինտիմ տեսարանի մասին Բրեդ Փիթը Մեքսիկայում ժամանակ է անցկացնում Փոլ Ուեսլիի նախկին կնոջ հետ Բրեդ Փիթը «Բաբելոն» ֆիլմի պրեմիերայի խնջույքին ներկայացել է նոր սիրելիի հետ Մարգո Ռոբին ու Բրեդ Փիթը մասնակցել են «Բաբելոն» ֆիլմի պրեմիերային (լուսանկարներ)