Երևանի Զեյթուն թաղամասում մեքենաներից գողություն կատարած 2 տղամարդ է ձերբակալվել
Իրավունք
Երևանի Քանաքեռ-Զեյթուն վարչական շրջանի ոստիկանները երկու տղամարդու են ձերբակալել մեքենաներից գողություն կատարելու կասկածանքով։ Տեղեկությունը հայտնում է ոստիկանության մամուլի ծառայությունը։
Ըստ հաղորդագրության՝ 36 և 44 տարեկան տղամարդիկ ոստիկանական բաժին են տեղափոխվել հոկտեմբերի 14-ին։ Նրանք ձերբակալվել են Դավիթ Անհաղթի փողոցում «Տոյոտա» մակնիշի մեքենայի չեզոքացուցիչը գողանալու պահին։
«Խուզարկությամբ 36-ամյա տղամարդու սպորտային պայուսակում հայտնաբերվել է ավտոմեքենայի չեզոքացուցիչ, «Մերսեդեսի» անվահեծի կափարիչ, 11,5 սմ շեղբի երկարությամբ դանակ, հարթաթուղթ և մետաղյա սղոց»,- նշված է հաղորդագրության մեջ։
Պարզվել է, որ տղամարդիկ առաջին անգամ չէին գողություն կատարում։
Նույն օրը նրանք գողացել էին Դավիթ Անհաղթի փողոցում կայանված «Լեքսուսի»՝ մոտ 1 միլիոն դրամ արժեցող չեզոքացուցիչը։ Գողոնն առգրավվել է:
Ոստիկանները նաև պարզել են, որ ևս մի գողություն նրանց չի հաջողվել ավարտին հասցնել։ Նրանք փորձել էին գողություն անել նաև Ուլնեցու փողոցում կայանված «Լեքսուսից», սակայն ստիպված էին եղել գործը կիսատ թողնել ու հեռանալ, քանի որ նկատվել էին մեքենայատիրոջ կողմից։
Կազմված փաստաթղթերն ուղարկվել են նախաքննական մարմին:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
