Բայրամովը Ստամբուլում էլի բողոքել է Հայաստանից

Հոկտեմբերի 17-ին Ստամբուլում կայացել է թյուրքական պետությունների կազմակերպության (ԹՊԿ) արտաքին գործերի նախարարների խորհրդի արտահերթ հանդիպումը, հայտնում է ԱՊԱ-ն:

Ադրբեջանի ԱԳ նախարար Ջեյհուն Բայրամովը հանդիպման մասնակիցներին տեղեկացրել է հայ-ադրբեջանական սահմանի սեպտեմբերյան էսկալացիայի մասին՝ հերթական անգամ մեղադրելով հայկակական կողմին:

Խոսելով Հայաստանի հետ Ադրբեջանի կնքվելիք խաղաղության պայմանագրի մասին, Բայրամովը նշել է, թե «չնայած Բաքվի՝ հարաբերությունների կարգավորմանն ուղղված կառուցողական ջանքերին, Հայաստանը շրջանցում է եռակողմ հայտարարության շրջանակում ստանձնած իր պարտավորությունները՝ կապված սահմանների դելիմիտացիայի, հաղորդակցական ուղիների ապաշրջափակման և այլ գործընթացների մասով»: