«Մենք նախապես տեղեկացրել ենք եղբայրական Ադրբեջանին զորավարժությունների մասին». Ադրբեջանում Իրանի դեսպան

Թեհրանը պաշտոնական Բաքվին տեղեկացրել է Ադրբեջանի հետ սահմանին կայանալիք զորավարժությունների մասին։

«Մենք նախապես տեղեկացրել ենք եղբայրական Ադրբեջանին զորավարժությունների մասին, Ադրբեջանը տեղյակ է եղել»,- լրագրողներին ասել է Ադրբեջանում Իրանի դեսպան Սայեդ Աբաս Մուսավին։

Այսօր սկսվել են Իրանի Իսլամական հեղափոխության պահապանների կորպուսի ցամաքային զորքերի զորավարժություններն Ադրբեջանին սահմանակից իրանական շրջանում։

Զորավարժությունների ընթացքում կմշակվեն ուղղաթիռների, անօդաչու թռչող սարքերի կիրառմամբ գործողություններ, գիշերային ժամերին հարձակում, ինչպես նաև գետով անցում և հաղորդակցությունների գրավում։