Ադրբեջանցիները, հրեաներն ու թուրքերը բողոքի ակցիա են անցկացրել ընդդեմ Հայաստանի

Կանադայի ադրբեջանական համայնքը Տորոնտո քաղաքում ակցիա է անցկացրել՝ ի նշան բողոքի իբրև թե «Հայաստանի վերջին սադրանքների և նրա ագրեսիվ քաղաքականության դեմ»։ Հանրահավաքն անցկացվել է Մել Լաստմանի մարդաշատ քաղաքային հրապարակում՝ «Վետեն» մշակույթի և արվեստի կենտրոնի աջակցությամբ։

Բողոքի ակցիային մասնակցել են նաև տեղի հրեական և թուրքական համայնքների ներկայացուցիչներ։ Ակտիվիստները հանրահավաքի են եկել Ադրբեջանի, Թուրքիայի և Իսրայելի դրոշներով, քաղաքի բնակիչներին բուկլետներ են բաժանել, որտեղ արտացոլված է «Ղարաբաղում կայուն խաղաղության հասնելու՝ Ադրբեջանի հիմնական պահանջը»։