Ադրբեջանի կողքին կլինենք. Թուրքիայի ՊՆ-ն հայտարարություն է տարածել

Բաքվում Թուրքիայի դեսպանությունը և Թուրքիայի պաշտպանության նախարարությունը շնորհավորել են Ադրբեջանին անկախության վերականգնման օրվա կապակցությամբ:

Այդ մասին հայտնում է ԱՊԱ-ն:

«Մենք միասնական ենք, միասին ենք: Շնորհավորում ենք Ադրբեջանին:

Հետագայում ևս շարունակելու ենք լինել Ադրբեջանի կողքին թե՛ վշտի, թե՛ ցնծության պահերին՝ առաջնորդվելով «մեկ ազգ - երկու պետություն» հասկացությամբ»,-ասված է Թուրքիայի ազգային պաշտպանության նախարարության տարածած հայտարարության մեջ: