Ուկրաինային հարվածելիս՝ իրանական դրոններ չեն օգտագործվում. Կրեմլը հերքում է

Ուկրաինայում «հատուկ գործողության» ժամանակ օգտագործվում են միայն ռուսական զինատեսակներ:

Այդ մասին հայտարարել է Կրեմլի պաշտոնական ներկայացուցիչ Դմիտրի Պեսկովը:

Նրա խոսքով, Կրեմլում չեն տիրապետում այնպիսի տեղեկության, ըստ որի՝ Ուկրաինային հասցվող հարվածների ժամանակ կիրառվում են իրանական արտադրության դրոններ:

Հավելենք, որ Ուկրաինան մշտապես հայտարարել է ՌԴ կողմից իրանական դրոն-կամիկաձեներ օգտագործելու մասին, իսկ Եվրամիությունը մտադիր է այդ հարցով հետաքննություն անցկացնել: