Կոսովոյում վերացվել են կուսության պարտադիր թեստերը

Կոսովոյում կնոջ կուսությունը ստուգելը հանցագործություն է ճանաչվել, հայտնում է Exit News-ը։

Հանրապետության կառավարությունն ընդունել է տեղական օրենսդրության փոփոխություն, ըստ որի՝ նման ընթացակարգն այժմ համարվում է մարդու իրավունքների խախտում։ Խախտողները պատասխանատվություն են կրելու:

Կոսովոյի բնակչությունը հիմնականում ալբանացի է։ Ալբանիայում կուսության թեստերը դեռևս տարածված են, ինչպես նաև կուսությունը «վերականգնելու» գործողությունները: Պրոցեդուրան օրենքով արգելված չէ, սակայն հակասում է ընդհանուր գինեկոլոգիական կանոններին, ուստի այն իրականացվում է միայն մասնավոր կլինիկաների կողմից՝ խիստ գաղտնիության պայմաններում։ Գինեկոլոգը հետազոտում է կնոջ կուսաթաղանթը, որպեսզի տեսնի՝ արդյոք այն վնասված է: Միաժամանակ, ինչպես շեշտում են մասնագետները, կուսաթաղանթի առկայությունը աղջկա անմեղության 100 տոկոսանոց երաշխիք չէ։ Ալբանիայում տարեկան մոտ 1000 կին է ենթարկվում նման հետազոտության և վիրահատության։ Կոսովոյի վերաբերյալ տվյալներ չկան։

Բժիշկը, որը ցանկացել է անհայտ մնալ, Exit News-ին ասել է, որ որոշ ալբանացի աղջիկներ գինեկոլոգի մոտ են գալիս զուգընկերոջ հետ, ով ցանկանում է համոզվել, որ հարսնացուն անմեղ է:

Այս թեմայով Կանանց Հայաստանի Մ-18 հավաքականը մեկնել է Կոսովո և կմրցի Վրաստանի, Ադրբեջանի և Ալբանիայի հետ Հաստատվել է Հայաստան-Կոսովո հանդիպումը սպասարկող մրցավարական անձնակազմը ԵՄ-ն հայտարարել է, որ Արևմուտքը պատրաստվում է փակել Կոսովոյի հարցը մինչև 2024 թվականին Կոսովոյում ալբանացին կրակել է մեքենայի վրա, երկու կին վիրավորվել է․ ԶԼՄ Կոսովոյում ալբանացի տղամարդը կրակ է բացել Գոտովուշկա բնակավայրում Սուրբ Ծնունդը տոնող սերբերի ուղղությամբ