Կոսովոյում վերացվել են կուսության պարտադիր թեստերը
ԱյլԿոսովոյում կնոջ կուսությունը ստուգելը հանցագործություն է ճանաչվել, հայտնում է Exit News-ը։
Հանրապետության կառավարությունն ընդունել է տեղական օրենսդրության փոփոխություն, ըստ որի՝ նման ընթացակարգն այժմ համարվում է մարդու իրավունքների խախտում։ Խախտողները պատասխանատվություն են կրելու:
Կոսովոյի բնակչությունը հիմնականում ալբանացի է։ Ալբանիայում կուսության թեստերը դեռևս տարածված են, ինչպես նաև կուսությունը «վերականգնելու» գործողությունները: Պրոցեդուրան օրենքով արգելված չէ, սակայն հակասում է ընդհանուր գինեկոլոգիական կանոններին, ուստի այն իրականացվում է միայն մասնավոր կլինիկաների կողմից՝ խիստ գաղտնիության պայմաններում։ Գինեկոլոգը հետազոտում է կնոջ կուսաթաղանթը, որպեսզի տեսնի՝ արդյոք այն վնասված է: Միաժամանակ, ինչպես շեշտում են մասնագետները, կուսաթաղանթի առկայությունը աղջկա անմեղության 100 տոկոսանոց երաշխիք չէ։ Ալբանիայում տարեկան մոտ 1000 կին է ենթարկվում նման հետազոտության և վիրահատության։ Կոսովոյի վերաբերյալ տվյալներ չկան։
Բժիշկը, որը ցանկացել է անհայտ մնալ, Exit News-ին ասել է, որ որոշ ալբանացի աղջիկներ գինեկոլոգի մոտ են գալիս զուգընկերոջ հետ, ով ցանկանում է համոզվել, որ հարսնացուն անմեղ է: