Թուրքիայում երկու կին է մահացել օդապարիկի կոշտ վայրէջքի ժամանակ
ԱյլԹուրքիայի Կապադովկիա շրջանում օդապարիկի կոշտ վայրէջքի ժամանակ Իսպանիայից երկու զբոսաշրջիկներ են մահացել, ևս երեք հանգստացողներ վիրավորվել են։ Այս մասին գրում է Cumhuriyet թերթը։
Վթարը տեղի է ունեցել երեքշաբթի՝ հոկտեմբերի 18-ի առավոտյան: Նշվում է, որ օդապարիկում եղել է 30 մարդ, որոնցից երկուսը անձնակազմի անդամներ են եղել։
Քամու անսպասելի ուժեղացման պատճառով օդապարիկը կոշտ վայրէջք է կատարել, ինչի հետևանքով 62-ամյա և 64-ամյա կանայք մահացել են, ևս երեք ճանապարհորդներ ստացել են տարբեր ծանրության վնասվածքներ։
Տուժածները տեղափոխվել են տեղի հիվանդանոց։ Ըստ Նևշեհիր նահանգի իշխանությունների՝ ներկա պահին նրանց կյանքին ոչինչ չի սպառնում։