Կինը հանուն կատվի մի քանի տարի ապրել է փողոցում

Մեծ Բրիտանիայի Չեսթեր քաղաքից մի կին մի քանի տարի ապրել է փողոցում՝ իր կատվի հետ մոտ լինելու համար։ Այս մասին հայտնում է The Mirror-ը։

Բրիտանուհուն հայտնաբերել է 43-ամյա փայտահատ Գարեթ Օլսենը, երբ մաքրում էր սեփականատիրոջ կողմից լքված տարածքը։ Կինը քնում էր թփերի մեջ՝ ժամանակավոր կացարանում՝ հավաքված բրեզենտից, մի քանի հովանոցներից, քնապարկից, վերմակներով ու բարձերով, իսկ նրա բոլոր իրերը դասավորված էին պայուսակների ու արկղերի մեջ։ «Հարցրի, թե ինչքան ժամանակ է՝ այստեղ է ապրում, ասաց՝ երկու-երեք տարի է»,- ասել է տղամարդը։

Բրիտանուհին պատմել է, որ տանտերերն արգելել են իրեն կատվին տան մեջ պահել։ Այդ իսկ պատճառով որոշում է կայացրել փողոցում ապրել ընտանի կենդանու հետ, որին նա անվանել է իր «հարազատ հոգի»։

Օլսենը կնոջը որոշակի գումար է տվել սննդի համար, իսկ հաջորդ օրը դիմել է Share բարեգործական հիմնադրամին, որը շուտով անօթևան կնոջը նոր կացարան է տվեց։ «Ուրախ եմ, որ ի վերջո ամեն ինչ լավ ավարտվեց, և հիմա նա աջակցություն է ստանում»,- ասել է տղամարդը։

Այս թեմայով Իր տանը մոտ 300 կատու պահող տղամարդն օգնություն է խնդրել Կինն իր ողջ կարողությունը կտակել է իր ընտանի կենդանիներին Կատուն վերադարձել է տերերի մոտ՝ անհետանալուց 11 տարի անց Աղջիկը որոշել է կատու դառնալ և արդեն սկսել է կերպարանափոխությունը (լուսանկարներ) Մութ սենյակում սև կատու մի’ փնտրեք, մանավանդ որ չկա. Մինասյան