Սեքսապաթոլոգի խորհուրդները՝ 40-ից հետո կատարյալ մտերմության համար

Ո՞վ է ասել, որ ժամանակն է՝ հեռանաք «մեծ սեքսից»: Ենթադրվում է, որ ամենաինտենսիվ սեքսը տեղի է ունենում 25-40 տարեկանում, սակայն սեքսապաթոլոգները կտրականապես համաձայն չեն: Կանանց մեծամասնությունը հասնում է իրենց առավելագույն սեքսուալ պոտենցիալին մոտ 40-ում, ինչը նշանակում է, որ դեռ վաղ է «մեծ սեքսը» թողնելու համար: Սեքսապաթոլոգները տալիս են խորհուրդներ, որոնք կօգնեն ոչ միայն հաճախականության առումով սեքսը նույն մակարդակի վրա պահել, այլ նաև բարելավել դրա որակը։

Նոր դիրքեր

Գաղտնիք չէ, որ տարիքի հետ կորցնում ենք ճկունությունը, ինչը նշանակում է, որ մեր սովորական սեքսի դիրքերից շատերը հետին պլան են մղվելու։ Ո՞վ է ասել, որ դա վատ է: Դրանց փոխարեն զուգընկերոջ հետ միասին պետք է ընտրեք ավելի հարմարավետները, իսկ սա հիանալի հնարավորություն է դիվերսիֆիկացնելու ձեր ինտիմ կյանքը, հատկապես, եթե մինչ այդ դուք և ձեր տղամարդը ալարում էիք ինչ-որ բան փոխել։

Մի մոռացեք անվտանգության մասին

Նույնիսկ եթե համոզված եք, որ հղիությունը ձեզ այս կամ այն ​​պատճառով չի սպառնում, կամ ինչ-որ տեղ լսել եք, որ ձեր տարիքում սեռական ճանապարհով փոխանցվող հիվանդություններն այլևս այդքան ակտիվ չեն փոխանցվում, բժիշկները խստորեն խորհուրդ են տալիս չհրաժարվել հակաբեղմնավորիչ միջոցներից, հատկապես եթե հաճախակի եք ունենում սեռական հարաբերություն տարբեր տղամարդկանց հետ:  Կատարյալ կլինի, եթե դուք և ձեր նոր զուգընկերն անցնեք բոլոր անհրաժեշտ թեստերը, բայց եթե դա հնարավոր չէ, միշտ ձեզ մոտ պահեք առնվազն բարակ պահպանակներ, սա ձեզ կփրկի երկարատև բուժումից, որը կարող է ձգվել ամիսներով և տարիներով:

Յոգա

40-ն անց շատ կանայք գրանցվում են յոգայի դասընթացների հենց ճկունությունը պահպանելու և մկանները լավ վիճակում պահելու համար: Ի դեպ, գիտնականները փորձեր են անցկացրել և եկել այն եզրակացության, որ յոգայի շատ ասանաներ օգնում են պահպանել լիբիդոն բարձր մակարդակի վրա, ուստի փորձեք ձեր զուգընկերոջը տանել նաև յոգայի դասի: