Զելենսկին աշխատանքից ազատել է Ղազախստանում իր դեսպանին, ով կոչ էր անում սպանել ռուսներին

Ուկրաինայի նախագահ Վլադիմիր Զելենսկին Պյոտր Վրուբլևսկուն հեռացրել է Ղազախստանում Ուկրաինայի դեսպանի պաշտոնից։

Այդ մասին ասված է Ուկրաինայի ղեկավարի ստորագրած հրամանի մեջ։

Հիշեցնենք, որ Վրուբլևսկին ղազախ բլոգերներից մեկին տված հարցազրույցում ուկրաինացիներին կոչ էր արել «որքան հնարավոր է շատ ռուսների սպանել»։

Ավելի ուշ, Ղազախստանի ժողովրդի ասամբլեայի անդամները հրապարակայնորեն դատապարտել են ուկրաինացի դիվանագետի կոչը։