Ջունգլիներն ամենուր են, այդ թվում՝ Ուկրաինայում․ Բորելի սկանդալային հայտարարությունը

ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը ներողություն է խնդրել Եվրոպան այգու, իսկ մնացած աշխարհը՝ ջունգլիների հետ համեմատելու համար։

Քաղաքական գործիչը նշել է, որ իր խոսքերը «հանվել են կոնտեքստից և սխալ են մեկնաբանվել»։

Նրա խոսքով, «ջունգլիները» ոչ թե կոնկրետ երկրներ են, այլ անօրինականության ու անկարգությունների ողջ աշխարհը։

«Ջունգլիների մասին իմ հիշատակումը ռասիստական, մշակութային կամ աշխարհագրական երանգավորում չունի: Ցավոք, ջունգլիներն ամենուր են, այդ թվում՝ այսօր Ուկրաինայում»,- գրել է Բորելը իր բլոգում։