Ամերիկացի տղամարդը պնդում է, որ իր մարմնի մազերը սափրվելուց երեք ժամ անց նորից աճում են (լուսանկարներ)
ԱյլՄարմնի վրա առատ մազերով ամերիկացին բողոքել է նախկին զուգընկերուհիների դժգոհությունից, ովքեր խնդրել են իրեն ազատվել անցանկալի մազածածկույթից: Նրա պատմությունը գլխավորում է Daily Mail-ը:
Կալիֆորնիայի մի բնակիչ, ով ներկայացել է որպես «պարոն Արջ», պատմել է, որ 13 տարեկանից իր մարմնի վրա սկսել են մազեր աճել։ Ըստ նյութի հերոսի՝ նա խնամում է կրծքավանդակի, ձեռքերի և մեջքի գանգուրներն այնպես, ինչպես խնամում է գլխի և մորուքի վրայի մազերը, այն է՝ շաբաթը երկու անգամ շամպուն և կոնդիցիոներ է քսում, որից հետո օգտագործում է յուղ՝ խոնավեցնելու համար։
Նա նշել է, որ նախկինում սափրում էր մարմնի վրայի մազերը, սակայն երեք ժամ անց այն նորից աճում էր:
Հրապարակման զրուցակիցը նաև խոստովանել է, որ իր արտաքինի պատճառով պարբերաբար ոտնձգությունների է ենթարկվել սոցիալական ցանցերում և իրական կյանքում։ Սակայն այժմ ամենից հաճախ անծանոթ մարդիկ հիանում են իր յուրահատկությամբ, ասել է տղամարդը։ «Նախկինում զուգընկերուհիներս ստիպում էին սափրել բոլոր մազերս, դա սարսափելի էր: Հետագայում ես ձեռք բերեցի ինքնավստահություն և որոշեցի, որ ոչ ոքի թույլ չեմ ինձ թելադրել, թե ինչպիսի տես ունենամ»,- եզրափակել է նա։