«Ժողովուրդ». Սեպտեմբերի 13-ի Ադրբեջանի ագրեսիան որոշ ժամանակով պարալիզացրել է պետական կառավարման համակարգը
Հայկական Մամուլ
«Ժողովուրդ» թերթը գրում է. «Սեպտեմբերի 13-ի Ադրբեջանի կողմից սանձազերծած պատերազմը որոշ ժամանակով պարալիզացրել է պետական կառավարման համակարգը:
Որոշ գերատեսչություններ սեպտեմբերին պլանավորած գործերը սահմանված ժամանակին չեն ավարտել, եւ դրանց կատարումը անորոշ ժամանակով հետաձգվել է: «Ժողովուրդ» օրաթերթը տեղեկացավ, որ նման իրավիճակում հայտնվել է Հաշվեքննիչ պալատը: Մեզ հայտնի դարձավ, որ Հաշվեքննիչ պալատը պետք է հաշվեքննություն իրականացներ Կապանի քաղաքապետարանում եւ Գեղարքունիքի մարզպետարանում ֆինանսատնտեսական գործունեության նկատմամբ, սակայն դրանք հետաձգվել են:
Ըստ Հաշվեքննիչ պալատի հիմնավորման՝ դրանք կասեցվել են՝ հաշվեքննության իրականացումն անհնարին դարձնող անկանխատեսելի հանգամանքով պայմանավորված: Իսկ Կապանի քաղաքապետ Գեւորգ Փարսյանը, «Ժողովուրդ» օրաթերթի հետ զրույցում անդրադառնալով այս հարցին, ասաց. «Ենթադրում եմ՝ սեպտեմբերի 13-ի հետ կապված է եղել: Տեղեկություն չունեմ, թե երբ է սկսվելու այդ հաշվեքննությունը»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
