Dalma Garden Mall-ը նշում է իր 10-ամյակը (լուսանկարներ)
Հասարակություն
Dalma Garden Mall-ը նշում է իր 10-ամյակը։ Այդ առիթով հոկտեմբերի 20-ին, Cinema Star-ում տեղի է ունեցել մամուլի ասուլիս, որի ընթացքում ներկայացվել են այն նախագծերը, որոնք Dalma Garden Mall-նիրականացնելու է։
Ողջույնի խոսքով հանդես եկավ Դալմայի Արտաքին և ներքին կապերի
գծով փոխտնօրեն Մարիամ Չաքարյանը։ «2012 թվականի հոկտեմբերի
20-ին Dalma Garden Mall-ն առաջին անգամ բացեց դռներն իր հաճախորդների համար՝ լինելով առաջին մոլը Հայաստանում։ Դալման դարձավ մեծերի և փոքրերի նախընտրելի վայրը, որտեղ համատեղվում են գնումներն ու զվարճանքը։ Այս տասը տարիների ընթացքում Դալման, լինելով շատերի նախընտրելի ատևտրի կենտրոնը, ըստ մեր ցուցիչների, ունեցել է ավելի քան 40 մլն այցելու։ Դալմայի միջոցով Հայաստանում
ներկայացվել են հարյուրավոր միջազգային բրենդներ։ Այս պահին մենք
ունենք մոտ 150 անվանի բրենդ և շարունակում ենք ավելացնել այդ ցուցակը»,-ասաց Չաքարյանը։
Վերջինիս խոսքով՝ Դալման այս պահին ունի 1000+ աշխատակից, որոնց մի մասը մոլում աշխատում են արդեն տասը տարի։
Չաքարյանը նշեց, որ իրենք որոշել են Դալմայի 10-ամյակը նշել այնպիսի ծրագրերով, որոնք իրականացնում են տարբեր կազմակերպությունների հետ։
«Մեր կորպորատիվ սոցիալական պատասխանատվության ռազմավարության առանցքում ապագան և զարգացումն են։ Այդ նպատակով մենք ընտրել ենք հետևյալ ուղղությունները, որտեղ շարունակաբար ուղղելու ենք մեր ջանքերն ու ռեսուրսները․
- երեխաների զարգացում,
- սահմանամերձ մարզեր,
- հայրենիքի պաշտպաններ,
- կրթություն,
- էկոլոգիա»,-նշեց Չաքարյանը։
Ասուլիսի ընթացքում ստորագրվեցին հուշագրեր, որոնք հաստատեցին նախագծերի իրականացման մեկնարկը և շարունակական բնույթը։
10-ամյակի CSR միջոցառումների շրջանակում Դալման համագործակցում է «Բարի մամա» հասարակական կազմակերպության հետ՝ սկիզբ դնելով ավելի սերտ համագործակցության, որով կանոնավոր կերպով աջակցելու են սահմանամերձ մարզերում բնակվող երեխաներին ու ներդրում են ունենալու նրանց զարգացման գործում: «Բարի մամայի» նպատակն է
կանխարգելել երեխաներին լքելու դեպքերը, խթանել ներառական կրթության զարգացումը, ապահովել լքված երեխաների բարօրությունը։
Դալման համագործակցելու է նաև «Զինծառայողների ապահովագրության» hիմնադրամի հետ (1000+)։ Հուշագրերի ստորագրումից հետո Դալմայի ամսական գովազդային հասույթի մի մեծ տոկոս փոխանցվելու է հիմնադրամին։
Դալման մյուս նախագիծն իրականացնելու է «Ազնավուր» հիմնադրամի և «Զինվորի տան» հետ համատեղ։ Ընտրվելու են շահառուներ, որոնց բիզնես նախագծերը ֆինանսավորվելու են։
Դալման համագործակցելու է COAF-ի (Children of Armenia Fund) հետ, որի շրջանակներում պարտավորվելու է ամեն տարի մարզից երեք երեխաների ուսման վարձը վճարել։ Ապագա ուսանողը ընտրվելու է COAF-ի կրթական ծրագրերից որևէ մեկին մասնակցելու և բարձր
առաջադիմությամբ ԲՈՒՀ ընդունվելու արդյունքում (մարքեթինգ, բիզնես, հաշվապահություն և իրավաբանություն ուղղություններով):
Այս տարի Դալման էկո արշավ էր նախաձեռնել՝ դառնալով էկոլոգիապես ավելի պատասխանատու ընկերություն։ Նոր նախագծի շրջանակներում Դալմայում կտեղադրվեն թափոնամաններ, որոնց միջոցով հաճախորդները կկարողանան տեսակավորել աղբը։
Հուշագրերի ստորագրումից հետ Չաքարյանն իր եզրափակիչ խոսքում նշեց, որ իրականում իրենց ծրագրերը չեն սահմանափակվելու այսքանով, և հուշագրերը ստորագրելով իրավական հիմք են դնում իրենց հետագա համագործակցությանը Հայաստանի կարևոր
կազմակերպությունների հետ, որոնք ահռելի աշխատանք են իրականացնում Հայաստանում։
«Մենք ցանկանում ենք, որ մեր այս քայլը լինի վարակիչ մեր գործընկերների համար։ Մենք պարբերաբար հանդես կգանք ավելի հետաքրքիր ծրագրերով։ Շնորհակալություն բոլորին»,-եզրափակեց Չաքարյանը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
