ՀՀ-Թուրքիա երկխոսության հաջողությունը կարող է իր դրական ազդեցությունը գործել հայ-ադրբեջանական բանակցային գործընթացի վրա. Միրզոյան

Թուրքիայի մեր զրուցակիցները մեր հարաբերությունների գործընթացը պետք է ավելի ու ավելի քիչ կապեն Ադրբեջանի հետ մեր հարաբերությունների հետ և, հակառակը՝ պետք է գիտակցեն, որ ՀՀ-Թուրքիա երկխոսության հաջողությունը կարող է իր դրական ազդեցությունը գործել հայ-ադրբեջանական բանակցային գործընթացի վրա։ Երբեմն արտահայտություններ են հնչում, որոնք հիմք են տալիս մտածել, որ Թուրքիան էքստրատերիտորիալ միջանցքի բացման հարցում ավելի շահագրգիռ է, քան Ադրբեջանը։ Այս մասին հայտարարեց ՀՀ արտաքին գործերի նախարար Արարատ Միզոյանը Իրանի արտգործնախարարի հետ մամուլի ասուլիսի ժամանակ: