Պուտինը խոսել է ՌԴ-ում ալկոհոլիզմի բարձր մակարդակի մասին

Արգելքը չէ, որը կօգնի լուծել ալկոհոլիզմի բարձր մակարդակի խնդիրը, այլ ինքնազարգացման, հետաքրքիր բիզնեսի, հոբբիները զարգացնելու հնարավորությունը, սա չափազանց կարևոր է: Այս մասին հայտարարել է ՌԴ նախագահ Վլադիմիր Պուտինը Մագադանի շրջանի նահանգապետ Սերգեյ Նոսովի հետ հանդիպմանը, հայտնում է Կրեմլի կայքը։

Երկրի ղեկավարը նշել է, որ իրեն անհանգստացրել է Մագադանի շրջանում ալկոհոլի օգտագործման բարձր մակարդակը։ «Դա պայմանավորված չէ նրանով, որ Մագադանի շրջանում հարբեցողներ են ապրում։ Սա, հավանաբար, պայմանավորված է սոցիալական ենթակառուցվածքների չզարգացած լինելու պատճառով»,- վստահ է նախագահը։

Նրա կարծիքով՝ պետք է ստեղծել մշակույթի, սպորտի ու ֆիզկուլտուրայի նոր օբյեկտներ, «անհրաժեշտ է, որ մարդիկ անելիք ունենան»։ Ռուսաստանի ղեկավարը վստահություն է հայտնել, որ դա հնարավորություն է «զբաղվել ինքնազարգացմամբ, հետաքրքիր աշխատանքով, զարգացնել հոբբի», որը կօգնի պայքարել ալկոհոլիզմի բարձր մակարդակի դեմ։

Սա համաշխարհային պրակտիկա է և Ռուսաստանի վերջին տարիների պրակտիկան, ընդհանուր առմամբ, լավ արդյունքներ է ցույց տալիս, հավելել է Պուտինը։ «Սա (ալկոհոլիզմը. — Խմբ.) լուծելի խնդիր է։ Երկրում ընդհանուր առմամբ լուծվում է՝ դուք ևս, իհարկե, կարող եք և պետք է լուծեք դա»,- եզրափակել է ՌԴ նախագահը։