Սերիական մարդասպանի հայրը մեղադրում է Netflix-ին որդու հանցագործությունները հերոսացնելու մեջ

Սերիական մարդասպան Ջեֆրի Դամերի հայրը՝ Լիոնել Դամերը, մեղադրել է իր որդու մասին սերիալի և վավերագրական ֆիլմի ստեղծողներին նրա հանցագործությունները հերոսացնելու մեջ։ Այս մասին հայտնում է New York Post-ը։

86-ամյա Դամեր Ավագը, ով ապրում է Օհայոյի գյուղական շրջաններում, մտահոգություն է հայտնել, որ իր հանգուցյալ որդու պոպուլյարությունը սկսել է աճել Netflix-ի «Հրեշ. Ջեֆրի Դահմերի պատմությունը» սերիալի թողարկումից հետո: Օրինակ, բանտային համազգեստով և մեծ ակնոցով այս մոլագարի ճանաչելի կերպարը դարձել է Հելոուինի համար պահանջված հանդերձանք:

Բացի այդ, Լիոնել Դամերը չափազանց հուզված է, որ իր որդու երկրպագուները սկսել են ներթափանցել իր տան տարածք։ Տարեց տղամարդու օգնականը հայտարարել է, որ պետք է զենք գնի, քանի որ վերջին շրջանում ներխուժողների թիվը զգալիորեն ավելացել է։

Լայոնել Դամերը նաև դժգոհ է, որ Netflix-ը, առանց իր հետ խորհրդակցելու, օգտագործել է իր որդու հարցաքննությունների և փաստաբանների հետ զրույցների ձայնագրությունները մի վավերագրական ֆիլմի համար, որը թողարկվել է սերիալի հետ միաժամանակ։

Այս պահին տղամարդը խորհրդակցում է փաստաբանների հետ և քննարկում է սերիալի նկարահանող խմբի և սթրիմինգ ծառայության դեմ հայց ներկայացնելու հարցը։

Ջեֆրի Դամերը 1978-1991 թվականներին սպանել է 17 տղամարդու և դեռահասի: Նա դատապարտվել է 15 ցմահ ազատազրկման։ 1994 թվականին Դամերը սպանվել է բանտում մեկ այլ բանտարկյալի կողմից։

Այս թեմայով Միլիոնավոր դոլարների ներդրում կինոարտադրությունում՝ Հայաստանը կունենա սեփական Netflix-ը. ո՞վքեր են սեփականատերերը. «Փաստ» Netflix-ը ներկայացրել է սևամորթ Կլեոպատրայի մասին ֆիլմի թրեյլերը և վրդովեցրել եգիպտացիներին «Ադամսների ընտանիքից» կենդանի ձեռքը վախեցրել է Նյու Յորքի բնակիչներին Ինչպես է անդրադարձել Netflix-ի վրա ռուսական շուկայից հեռանալը Netflix-ը հայտնել է Ռուսաստանի դեմ կիրառած պատժամիջոցների հետևանքով կրած կորուստները