Բլինկենը հայտարարել է, որ Ռուսաստանը տրամադրված չէ Ուկրաինայի հակամարտության դիվանագիտական լուծմանը
Աշխարհ
ԱՄՆ պետքարտուղար Էնթոնի Բլինկենը հայտարարել է, որ Ռուսաստանը տրամադրված չէ Ուկրաինայի հակամարտության դիվանագիտական լուծմանը։ Այս մասին նա հայտարարել է Վաշինգտոնում Ֆրանսիայի արտգործնախարար Քեթրին Կոլոնայի հետ կայացած մամուլի ասուլիսում, փոխանցում է ՏԱՍՍ-ը։
Նրա խոսքով՝ Ռուսաստանը ոչ միայն դիվանագիտական տրամադրվածություն չունի, այլեւ հակառակ ուղղությամբ է ջանքեր գործադրում։
Ավելի վաղ Բլինկենը հայտարարել էր, որ ԱՄՆ-ը պետք է Ուկրաինայում կանգնի Ռուսաստանի Դաշնության դեմ, հակառակ դեպքում «կբացվի Պանդորայի արկղը», որը կարող է նոր հակամարտությունների հանգեցնել աշխարհի այլ մասերում։
Բլինկենն ընդգծել է, որ եթե պետությունները հենց հիմա հրաժարվեն Կիևին աջակցելուց, ապա Պանդորայի արկղը բացելու վտանգ կա։ Այսպիսով, այլ պետություններ, ոչ միայն ԵՄ երկրները, դաս կքաղեն դրանից:
Նրա կարծիքով՝ պետք է հարգել երկրների տարածքային ամբողջականությունը, և նրանց սահմանները չպետք է փոխվեն ուժով։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
