Խերսոնի բնակչությանը հորդորել են հեռանալ քաղաքից

Խերսոնի բոլոր քաղաքացիական անձանց և քաղաքացիական պաշտոնյաներին կոչ է արվել անհապաղ հեռանալ քաղաքից և անցնել Դնեպրի ձախ ափ։ Նման կոչով հանդես է եկել Խերսոնի շրջանի վարչակազմն իր Telegram ալիքում։

Մարզպետարանից հայտնել են, որ որոշումն ընդունվել է ռազմաճակատում ստեղծված լարված իրավիճակի, քաղաքի զանգվածային հրետակոծության բարձր ռիսկի և ահաբեկչական հարձակումների սպառնալիքի պատճառով։

Հստակեցվում է, որ Դնեպրի ձախ ափ կարելի է հասնել նավերով, որոնք Օդեսայի հրապարակի գետի նավահանգստից կուղևորվեն Ալեշկի քաղաքի ուղղությամբ։